Աբովյանի հ․7 հիմնական դպրոց

ՀԱՂԹԱՆԱԿ ՀԱՂԹԱՆԱԿԻ ՀԵՏԵՎԻՑ

Հոկտեմբերի 26th, 2017

ՀԱՂԹԱՆԱԿ ՀԱՂԹԱՆԱԿԻ ՀԵՏԵՎԻՑ

2017 թվականի նոյեմբերի 30-ին տեղի ունեցավ Ազգային ժողովի կողմից հաստատված ասմունքի հանրապետական մանկապատանեկան 11-րդ մրցույթ-փառատոնի մարզային փուլը:

Փառատոնը նվիրված է հայ ժողովրդի բոլոր ժամանակների ազատագրական պայքարին և Արցախյան ազատամարտի երեսնամյակին:

Ասմունքի փառատոնին մեր դպրոցի աշակերտները մասնակցում են արդեն ութերորդ անգամ:Այս փառատոնը ասմունքի խմբակի սաների ամենասիրած միջոցառումն է: Նրանք մրցույթին պատրաստվում են ամենայն պատասխանատվությամբ: Ներդպրոցական փուլի հաղթողը մասնակցում է տարածքային փուլին և հաղթելու դեպքում՝ հաջորդաբար մարզային և հանրապետական փուլերին:

Մեր աշակերտները տարիներ շարունակ հաջող են հանդես եկել և հաղթանակով վերադարձել մարզային և հանրապետական փուլերից:

Իններորդ փառատոնում երկրորդ մրցանակով հանրապետությունում հաղթող է ճանաչվել 7-րդ դասարանցի Արշակ Գալոյանը:

Տասներորդ փառատոնին հանրապետությունում երկրորդ մրցանակի է արժանացել 9-րդ դասարանցի Էլեն Գալստյանը:

Այս տարի մրցույթին մասնակցել և իր տարիքային խմբում մարզում երկրորդ մրցանակի է արժանացել 6-րդ դասարանի աշակերտուհի Մարիամ Ներսեսյանը:Մարիամը նաև 2016թ  <<Հայ ասպետ>> հեռուստախաղի դպրոցական թիմի անդամ է:Բազմաթիվ մրցանակների է արժանացել նաև երաժշտության ասպարեզում:Հրաշալի ջութակահար է:

Այս գործում իր մեծ ավանդն ունի դպրոցի հայոց լեզվի և գրականության ուսուցչուհի Արմինե Սիմոնյանը, ով նաև դպրոցի ասմունքի խմբակի ղեկավարն է:

Մրցույթը գնահատող պրոֆեսիոնալ հանձնաժողովը արդեն որերորդ անգամ հավանության է արժանացնում մեր աշակերտներին:

ԴԵՂՆԱԾ ԴԱՇՏԵՐԻՆ ԻՋԵԼ Է ԱՇՈՒՆ

ԵՎՍ ՄԵԿ ՀԱՂԹԱՆԱԿ

2017 թ. նոյեմբերի 26-ին Երևան քաղաքում կայացավ Սամբոյի հանրապետական առաջնությունը՝ նվիրված ՀՀ վաստակավոր մարզիչ Վիկտոր Ալիխանյանին: Հուշամրցաշարի հաղթող է ճանաչվել մեր աշակերտուհի Թագուհի Նալթակյանը:

 9-րդ դասարանի աշակերտուհի Թագուհի Նալթակյանը սպորտով սկսել է զբաղվել 5 տարեկանից: Այժմ զբաղվում է Սամբո և Դյուդո մարզաձևերով: Ունի ավելի քան 32 մեդալ, 6 գավաթ և 37 պատվոգիր:

Naxahashiv 2018

 

Մովսես Խորենացի <<Արա Գեղեցիկ և Շամիրամ>>

Համակարգչային դաս 9գ դասարամում

Ուսուցչուհի՝ Սաթենիկ Մինասյան

ԱՊՐԻԼԻՑ ԱՊՐԻԼ

Ապրիլի 27th, 2017

                                        ԱՊՐԻԼԻՑ   ԱՊՐԻԼ

Ապրիլի 25-ին Աբովյանի թիվ 7 հիմնական դպրոցում տեղի ունեցավ << Ապրիլից ապրիլ >> խորագիրը կրող միջոցառում՝ նվիրված Հայոց Մեծ եղեռնին և Ապրիլյան քառօրյային:

Միջոցառման հիմքում պահանջն էր աշխարհից՝ ընդունել ցեղասպանության փաստը, որպեսզի հետագայում այլևս ոչ մի ժողովուրդ չենթարկվի նման արհավիրքի:

Երեխաները ատանձնահատուկ երախտագիտությամբ և հպարտությամբ ներկայացրեցին Ապրիլյան պատերազմի հերոսներին, ովքեր կանգնեցրին մինչև ատամները զինված թշնամուն՝ ապրիլը դարձնելով հերոսության և հերոսների ամիս:

Միջոցառումը ուներ նաև մեկ այլ առաքելություն , դպրոցի դասասենյակներից մեկը կոչվեց դպրոցի նախկին շրջանավարտ Կարեն Տիգրանի Միքայելյանի անունով, ով 2002թ. զոհվել է զինվորական պարտքը կատարելիս:

 

Քրիստոս հարյավ ի մեռելոց- Օրհնյալ է հարությունը Քրիստոսի

Ապրիլի 17th, 2017

 

Քրիստոնյա ժողովուրդը Հիսուս Քրիսոտոսի հարությունը անվանում է Զատիկ: Այն շարժական տոն է, նշվում է մարտի 21-ից մինչև ապրիլի 25-ը ընկած ժամանակահատվածում: Ավագ շաբաթվա երեկոյան կատարվում է Զատկի ճրագալույցի արարողությունը, մատուցվում է պատարագ:
Երեկոյան անհրաժեշտ է պատրաստել Զատկի ուտեստները: Ըստ ավանդույթի սեղանին անպայման պետք է լինեն ներկած հավկիթներ, ձկնեղեն, չամիչով փլավ և գինի, նաև ձվով տապակած բանջարեղեն, վերջում` թանձր եփած թանապուր:
Հավկիթները ներկում են կարմիր, քանի որ հավկիթը խորհրդանշում է երկիրը, իսկ կարմիր գույնը` Քրիստոսի արյունը:
Սուրբ Զատկին Հայաստանյաց բոլոր եկեղեցիներում մատուցվում է պատարագ, բաժանվում են հավկիթներ, տրվում է Ամենայն Հայոց Հայրապետի օրհնությունը:
Տոնի ընթացքում ամենսիրված խաղերը ձվակռիվներն են, ձու գլորելը: Զատկական հմայիլներով զարդարված, նախշած և փնջած ձվերը առողջության, հաջողության, չար աչքից պահպանման համար են, ունեն մաքրման զորություն: 
Ասում են` Զատկի օրը բախտ են բաժանում: Նախկինում կարծում էին, որ Զատկի օրը ծնված երեխան բախտավոր է և օժտված է գուշակելու շնորհքով: 

Աբովյանի հ․7 հիմնական դպրոց